Veb sayt hazırlanmasının əsas mərhələləri hansılardır:
1. Planlama
Bəzən planlama vaxt itkisi kimi dəyərləndirilir. Ancaq bu yanlış fikirdir. Planlama mərhələsində vaxta qənaət daha ciddi səhvlərə səbəb olur ki, onların da bərpası daha çox vaxt aparır.
2. Analiz
Hədəf auditoriyası müəyyənləşdirilir və rəqiblər təhlil edilir. Hədəf auditoriyasının ehtiyac və maraqlarını bilmək vacibdir. Bu saytı onların maraqlarına uyğun qurmağa və bundan şirkətin xeyrinə istifadə etməyə imkan verir. Eləcə də rəqiblər araşdırılır, onların üstün və zəif cəhətləri təyin edilir. Bunlar əsasında şirkətin öz üslubu, fərqləndirici cəhətləri qabardılır.
3. Strategiya
Saytın məqsədi müəyyənləşir. Elektron ticarət, müştəri cəlb etmək, məhsul xətti təqdim etmək, şirkəti tanıtmaq, müştərilərlə əlaqə qurmaq və s məqsədlər ola bilər. Hansı nəticənin lazım olduğu düzgün müəyyənləşir. Və bu məlumatlar əsasında saytın yaradılması istiqamətində digər mərhələlər formalaşdırılır.
4. Prototipləşdirmə
Əyanilik üçün saytın prototipi yaradılır. Burda önəmli məqamlar: dizayner ilk növbədə interfeysin rahat istifadəsini təmin edir. Səhifədəki bütün elementlər istifadəçinin onları asanlıqla tapıb istifadə edəcəyi şəkildə yerləşdirilməlidir.
5. Dizaynın hazırlanması
Burda diqqət vizual komponentlərə yönəlir:
- Rəng
- Forma
- Şrift
- Animasiya
Dizayner müştərinin korporativ stilinə riayət edir, loqotipi uyğunlaşdırır, saytı şirkətlə tanımlanan şəklə salır. Bu zaman hədsiz “dəbli” olmayan, trendə uyğun, aktuallığını ən az 2 il saxlaya biləcək sayt dizayn edilir.
6. Proqramlaşdırma
Bu mərhələdə bütün eskizlər HTML-ə keçirilir, yəni mobil responsivlik təmin edilir. Daha sonra saytda olan elementlər proqrammist tərəfindən aktivləşdirilir.
7. Əsas məzmun
Saytın doldurulması mərhələsi, məzmunun lazımi formata çevrilməsini və resurs səhifələrinə yerləşdirilməsini əhatə edir. Öncədən materiallar hazırlanır. Daha əvvəl tərtib edilmiş texniki şərtlərə uyğun olaraq həm kopirayterlər, həm də sayt sahibləri tərəfindən yazıla bilər.
8. Texniki dəstək
Bu mərhələdə son baxış keçirilir. Ortaya çıxa biləcək səhvlər komanda tərəfindən dərhal ortadan qaldırılır.
Beləliklə, sayt yığılarkən elə bir komanda ilə işləmək lazımdır ki, bütün mərhələlərə yetərincə diqqət yetirsinlər, çünki hər bir mərhələ saytın gələcək işində həlledici rol oynayır.